Vijaykumar Dudhale
उद्योगपती नवीन जिंदाल हे भारतीय जनता पक्षाकडून हरियाणातील कुरुक्षेत्र मतदारसंघातून लोकसभेची निवडणूक लढवत आहेत. त्यांनी उमेदवारी अर्जासोबत जोडलेल्या प्रतिज्ञापत्रानुसार ते 1241कोटी रुपयांच्या संपत्तीचे मालक आहेत.
आदित्य बिर्ला ग्रुपचे माजी संचालक संतृप्त मिश्रा हे बिजू जनता दलाचे उमेदवार असून त्यांनी ओडिशाच्या कटकमधून उमेदवारी अर्ज दाखल केला आहे. त्यांच्याकडे 482 कोटी रुपयांची संपत्ती आहे.
शिक्षण क्षेत्रात काम करणारे डॉ. सुशील गुप्ता यांना आम आदमी पक्षाने हरियानातील कुरुक्षेत्र या मतदारसंघातून लोकसभेची उमेदवारी दिली आहे. त्या प्रतिज्ञापत्रानुसार त्यांची 169 कोटी रुपयांची संपत्ती आहे.
जननायक जनता पक्षाकडून हरियाणातील हिस्सार या लोकसभा मतदारसंघातून निवडणूक लढवणाऱ्या नैना सिंह चौताला यांच्याकडे 139 कोटी रुपयांच्या संपत्तीच्या मालकीण आहेत.
हरियाणातील गुडगाव लोकसभा मतदारसंघातून निवडणूक लढविणारे राव इंद्रजित सिंह यांच्या प्रतिज्ञापत्रानुसार त्यांच्याकडे 129 कोटी रुपयांची संपत्ती आहे
गुडगावमधून फौजी जय कंवर त्यागी हे अपक्ष निवडणूक लढवित आहेत. त्यागी हे 113 कोटी रुपयांच्या मालमत्तेचे मालक आहेत.
उत्तर प्रदेशमधील सुलतानपूर मतदारसंघातून भाजपच्या तिकिटावर मनेका गांधी निवडणूक लढवत आहेत. त्यांच्याकडे 97 कोटींची संपत्ती आहे.
फरिदाबाद लोकसभा मतदारसंघातून काँग्रेसच्या तिकिटावर निवडणूक लढविणारे महेंद्र प्रताप सिंह यांच्याकडे 90 कोटी रुपयांची संपत्ती आहे.