Mayur Ratnaparkhe
लातूर जिल्ह्यातील बाभळगाव येथील विलासबागेतील विलासरावांच्या स्मृतीस्थळी अभिवादन करण्यासाठी नागरिकांनी मोठी गर्दी केली होती.
यावेळी देशमुख परिवारातील सदस्यांसह काँग्रेसच्या नेतेमंडळी व कार्यकर्त्यांनी गर्दी केली होती.
त्याचवेळी त्यांचे चिरंजीव अभिनेते रितेश देशमुख यांनी फेसबुकला भावनिक पोस्ट करीत त्यांच्या आठवणीना उजाळा दिला.
रितेश देशमुख पोस्टमध्ये म्हणतात, '’आधी आम्ही तुमचा वाढदिवस साजरा करायचा विचार केला होता पप्पा, पण आता तुमचे नातवंडे हा दिवस त्यांच्या "आजोबांचा दिवस" म्हणून साजरा करू इच्छित आहेत.’’
‘’लातूरमधील बाभळगावला येणे म्हणजे तुमच्या मिठीत परत धावून आल्यासारखे वाटते. समाधान, तृप्ती, आनंद, परमशांती.’’
‘’आम्हाला माहिती आहे, तुम्ही वरून आमच्यवर लक्ष ठेवून आहेत. खूप आठवण येतीय पप्पा.'' अशी पोस्ट अभिनेते रितेश देशमुख यांनी फेसुबकवर करीत श्रद्धांजली अर्पण केली आहे.
माजी आमदार धीरज देशमुख यांनीही वडिलांच्या स्मृतिस्तळावर पुष्प अर्पण करून अभिवादन केले.
विलासरावांचे मोठे पुत्र अमित देशमुख यांनीही वडिलांच्या स्मृतिस्थळास समोर हातजोडून स्मरण केले.
यावेळी विलासरावांच्या पत्नी वैशाली देशमुख, माजी मंत्री अमित देशमुख (Amit Deshmukh), अभिनेता रितेश देशमुख, अभिनेत्री जिनेलिया-देशमुख, माजी आमदार धीरज देशमुख व विलासारावांचे नातवंडे हजर होते.