Rajanand More
जगाच्या राजकीय पटलावर लवकरच ऐतिहासिक घडामोड घडणार आहे. पहिले गे पंतप्रधान म्हणून एक नेता लवकरच शपथ घेणार आहे.
रॉब जेटेन असं या नेत्याचं नाव आहे. ते नेदरलँडमधील D-66 या पक्षाचे नेते असून देशाच्या निवडणुकीत बाजी मारली आहे. जेटेन हे भावी पंतप्रधानपदाच्या शर्यतीत आहेत.
38 वर्षीय जेटेन हे नेदरलँडसह युरोपातील लोकप्रिय नेते असून त्यांचे चाहते त्यांना हँडसम हंक म्हणूनही ओळखतात.
जेटेन यांनी पंतप्रधानपदाची शपथ घेतल्यास ते जगातील पहिले गे पंतप्रधान असण्याची शक्यता आहे. त्यांनी जाहीरपणे आपण समलैंगिक असल्याची कबुली काही वर्षांपूर्वीच दिली आहे.
उच्चशिक्षित असलेल्या जेटेन यांनी डी-66 या पक्षात युवक शाखेतून प्रवेश केला. त्यानंतर एक-एक टप्पा पार करत 2017 मध्ये ते पहिल्यांदा खासदार झाले.
जेटेन यांना लोकप्रियतेच्या जोरावर संसदेत पक्षाचे नेते म्हणून संधी देण्यात आली. तेव्हापासून ते पक्षाचा रणनीतीचा एक भाग बनले.
निवडणुकीमध्ये जेटेन यांनी विश्वास ठेवा, शक्य आहे, ही घोषणा देत लोकांची भरघोस मते मिळवली आहे. त्यांच्या पक्षाला बहुमत मिळाले नसले तरी आघाडीचे सरकार अस्तित्वात येईल.
जेटेन यांची लव्हस्टोरी लपून राहिलेली नाही. ऑलिम्पियन निको कीनन यांच्यासोबत 26 नोव्हेंबर 2024 रोजी या जोडप्याने सोशल मीडियातून साखरपुड्याची घोषणा केली होती.