Pradeep Pendhare
नरेंद्र मोदी जेव्हा 26 मे 2014 मध्ये पहिल्यांदा भारताचे पंतप्रधान झाले तेव्हा अमेरिकेचा 1 डॉलर भारताच्या 58.94 रुपयांच्या बरोबरीला होता.
मोदी दुसऱ्यांदा निवडणूक जिंकले, तेव्हा रुपयात 17 टक्क्यांहून अधिक घसरण झाली आणि 30 मे 2019 रोजी रुपया एका डॉलरच्या तुलनेत 69.37 वर पोहोचला.
नरेंद्र मोदी जून 2024 मध्ये तिसरा कार्यकाळ सुरू केल्यावर रुपया 83.38 च्या पातळीवर पोहोचला. म्हणजेच 2019 ते 2024 दरम्यान रुपयात 20 टक्क्यांहून अधिक घसरण नोंदवली गेली.
नरेंद्र मोदी यांच्या एनडीए सरकारच्या तिसऱ्या कार्यकाळाची 2 वर्षे पूर्ण झाली होत असताना, रुपया एका डॉलरच्या तुलनेत सुमारे 96 रुपयांवर पोहोचला आहे. या 2 वर्षांत 14.75 टक्क्यांची घसरण झाली आहे.
पंतप्रधान नरेंद्र मोदी यांच्या 12 वर्षांच्या कार्यकाळात रुपयात 62.33 टक्क्यांची घसरण झाली आहे. रुपयाचे मूल्य कमी होण्याची ही मालिका प्रत्येक सरकारच्या काळात पाहायला मिळाली आहे.
मे 2004 मध्ये मनमोहन सिंग यांनी पंतप्रधानपद सांभाळले, तेव्हा एक डॉलर खरेदी करण्यासाठी 45.31 रुपये द्यावे लागायचे.
मनमोहन सिंग जेव्हा पदावरून पायउतार झाले, तोपर्यंत रुपया घसरून 60 च्या आसपास पोहोचला होता.
मनमोहन सिंग यांच्या 10 वर्षांच्या (2004-2014) कार्यकाळात रुपयाचे मूल्य 31.65 टक्क्यांनी कमी झाले होते.