Deepak Kulkarni
उद्धव ठाकरे यांच्या नेतृत्वातील महाविकास आघाडी सरकारच्या काळातील अँटिलिया बाहेरील बॉम्बस्फोट प्रकरण आणि मनसुख हिरेन हत्या प्रकरणं प्रचंड गाजली आणि तितकीच वादग्रस्तही राहिली होती.
याचप्रकरणी एनआयएनं तत्कालीन पोलिस अधिकारी सचिन वाझेला अटक केली होती. यानंतर वाझेला पोलिस सेवेतून बडतर्फ करण्यात आलं होतं.
या प्रकरणात राष्ट्रीय तपास संस्थेने तपास केला असून, विशेष NIA न्यायालयात खटला सुरू आहे. आता एनआयए कोर्टानं वाझेला जामीन मंजूर केला आहे.
सचिन वाझे आता साडेपाच वर्षांनंतर तुरुंगाबाहेर येण्याची शक्यता आहे. त्यांनी तुरुंगात असताना पुस्तक लिहिले आहे.
सचिन वाझे यांचं हे पुस्तक भारताचे माजी पंतप्रधान राजीव गांधी यांच्या हत्येच्या घटनेवर आधारित आहे.
बडतर्फ पोलीस अधिकारी सचिन वाझे यांचे तिसरे पुस्तक 'Lesser Man Bigger Target – सामान्य माणूस मोठे लक्ष्य' हे नुकतेच प्रकाशित झाले आहे.
यापूर्वी त्यांनी 26/11 च्या मुंबई हल्ल्यावर ('जिंकून हरलेली लढाई') तसेच BNSS (भारतीय नागरिक सुरक्षा संहिता) आणि UAPA (बेकायदेशीर गतिविधियां रोकथाम अधिनियम) या कायद्यांवर आधारित दोन पुस्तके लिहिली आहेत.
विशेष म्हणजे बडतर्फ पोलिस अधिकारी आता जामिनाबाहेर सचिन वाझे पुण्यात राहायला जाणार असल्याची माहिती समोर आली आहे.