Mangesh Mahale
भाजपचे माजी केंद्रीय मंत्री शाहनवाज हुसैन यांचा मुलगा अरबाज हुसैन याचा विवाह काँग्रेस आमदार अकरम खान यांची मुलगी अफशां खान हिच्याशी नुकताच झाला
अफशां यांनी अनेक व्हिडिओ आणि छायाचित्रे शेअर केली आहेत. वडील अकरम खान यांच्यासोबतचा भावनिक व्हिडिओही चर्चेत आला.
मुलीच्या लहानपणी खेळणी आणण्यापासून ते लग्नाचा पोशाख आणण्यापर्यंतचा प्रवास सांगताना अकरम खान भावूक झाल्याचे दिसते.
अफशां यांनी राहुल गांधी यांच्यासोबतचे छायाचित्रही शेअर केले असून, त्यांना लग्नाचे निमंत्रण दिल्याचे त्यातून दिसते.
अफशां खान या हरियाणातील यमुनानगर जिल्ह्यातील खिजरी गावचे रहिवासी आणि जगाधरी विधानसभा मतदारसंघाचे काँग्रेस आमदार अकरम खान यांच्या कन्या आहेत.
त्यांनी मास कम्युनिकेशनचे शिक्षण घेतले आहे. त्यांचे कुटुंब गेल्या तीन दशकांपासून राजकारणात सक्रिय आहे.
शाहनवाज हुसैन यांचे पुत्र अरबाज यांचा इम्पोर्ट-एक्सपोर्टचा व्यवसाय आहे.
विवाहसोहळ्याला हरियाणाचे मुख्यमंत्री नायब सिंह सैनी, माजी मुख्यमंत्री भूपेंद्र सिंह हुड्डा यांच्यासह विविध राजकीय पक्षांतील नेते उपस्थित होते.
रिसेप्शनला माजी राष्ट्रपती रामनाथ कोविंद, हरियाणाचे मुख्यमंत्री नायब सिंह सैनी, भाजपचे अध्यक्ष नितीन नवीन, नितीन गडकरी, मनोहरलाल खट्टर, दीपेंद्र हुड्डा यांच्यासह विविध पक्षांतील नेते उपस्थित होते.