Rashmi Mane
शमा मोहम्मद या काँग्रेसच्या राष्ट्रीय प्रवक्त्या आहेत.
शमा या मूळात व्यवसायाने डेंटिस्ट आहेत. तसेच 'झोया' या चॅरिटेबल ट्रस्टच्या त्या विश्वस्त आहेत. या संस्थेच्या माध्यामातून समाजातील वंचित घटकांसाठी काम करतात.
शमा ह्या मूळच्या केरळच्या आहेत. लहानपणीच त्या कुवेतला शिफ्ट झाल्या.
हायस्कूलनंतर त्यांनी वैद्यकशास्त्र शिकण्याचा निर्णय घेतला. त्यांनी मंगळूरू विद्यापीठातून दंत शस्त्रक्रिया या विषयात बॅचलर डिग्री मिळवली.
कॉलेजमध्ये असल्यापासूनच महिलांच्या हक्कांसाठी त्या आवाज उठवतात. शिक्षण झाल्यानंतर त्यांनी दिल्लीत प्राक्टिस सुरू केली. त्याच काळात त्यांना 'झी' न्यूजमध्ये पत्रकार म्हणून काम करण्याची संधी मिळाली .
'झी' न्यूजमध्ये काही काळ पत्रकारिता केल्यानंतर त्यांनी पुन्हा डेंटिस्ट म्हणून प्रॅक्टिस सुरू केली. मात्र, त्यांना समाजसेवा आणि राजकारणात रस होता. त्यामुळे त्यांनी 2015 मध्ये भारतीय राष्ट्रीय काँग्रेसमध्ये प्रवेश केला आणि राजकारणात प्रवेश केला.
31 डिसेंबर 2018 रोजी राहुल गांधी यांनी त्यांची मीडिया पॅनेलिस्ट म्हणून नियुक्ती केली होती.