Amol Sutar
पंतप्रधान नरेंद्र मोदी यांच्या हस्ते अयोध्येत रामललाच्या मुर्तीचा प्राणप्रतिष्ठा सोहळा उत्साहात पार पडला.
अयोध्येतील सोहळ्यानिमित्त सातारा जिल्ह्यातील पाटण तालुक्यातील तीर्थक्षेत्र चाफळ येथे महाआरतीचे आयोजन करण्यात आले होते.
या महाआरतीला पालकमंत्री शंभूराज देसाई व उदयनराजे भोसले यांनी उपस्थिती लावली. यावेळी त्यांच्या हस्ते महाआरती करण्यात आली.
प्राणप्रतिष्ठा सोहळ्यानिमित्ताने देशभर उत्साहाचे वातावरण होते. यावेळी लहान मुलांनी प्रभू श्रीरामांची वेशभूषा केली होती. अशाच एका रामरुपातील मुलाला जवळ घेत फोटो काढला.
चाफळ येथील राम मंदिरात महाआरतीला उपस्थित उदयनराजेंना मंदिर व्यवस्थापनाच्या वतीने चाफळ राम मंदिराचे छायाचित्र भेट म्हणून देण्यात आले.
अयोध्येतील प्राणप्रतिष्ठा सोहळ्यानिमित्ताने सर्वत्र प्रभू श्रीरामांच्या महाआरतीचे आयोजन करण्यात आले होते. यावेळी उदयनराजे यांनी विविध ठिकाणच्या सोहळ्यांना उपस्थिती लावली.
चाफळ राम मंदिरात प्राणप्रतिष्ठा सोहळ्यानिमित्त भक्तीसंगीत कार्यक्रमाचे आयोजन करण्यात आले होते. त्यास शंभूराज देसाई आणि मनोज घोरपडे यांनी उपस्थिती लावली.
चाफळ येथील महाआरती सोहळ्यास जिल्ह्यातील भाविकांनी गर्दी केली होती.
उदयनराजे भोसले यांनी महाआरती सोहळ्यानिमित्ताने चाफळ मंदिरास भेट दिली. यावेळी मोठ्या प्रमाणात राम भक्तांची उपस्थिती होती.