Roshan More
MPDA म्हणजे काय?
महाराष्ट्र धोकादायक कृत्ये प्रतिबंधक कायदा (MPDA) चा मुख्य उद्देश समाजकंटक आणि सराईत गुन्हेगारांच्या विघातक कृत्यांवर नियंत्रण मिळवून सार्वजनिक सुव्यवस्था राखणे आहे
झोपडपट्टी दादा व स्थानिक गुंडहातभट्टीवाले व बेकायदेशीर दारू विक्रेते, ड्रग्ज/अंमली पदार्थांचे तस्कर, वाळू तस्कर आणि भू-माफिया यांच्याविरोधात या कायद्याचा उपयोग केला जातो.
या कायद्यानुसार आरोपीला थेट १ वर्षासाठी कारागृहात स्थानबद्ध केले जाऊ शकते. या कायद्यानुसार ठाकरेंच्या शिवसेनेचे उपनेते शरद कोळी यांना अटक करून येरवडा तुरुंगात स्थानबद्ध केले आहे.
हा प्रतिबंधात्मक कायदा असल्याने यामध्ये सहजासहजी जामीन मंजूर होत नाही. पोलीस आयुक्त किंवा जिल्हाधिकाऱ्यांच्या आदेशावरून थेट ही कारवाई केली जाते.
तडीपारीमध्ये गुन्हेगाराला विशिष्ट जिल्ह्यातून किंवा परिसरातून काही काळासाठी बाहेर काढले जाते.तर, MPDA कारवाईत आरोपीला शहराबाहेर न पाठवता थेट मध्यवर्ती मध्यवर्ती कारागृहात स्थानबद्ध केले जाते.
कारवाई झाल्यानंतर आरोपी उच्च न्यायालयात किंवा गृह विभागाच्या सल्लागार मंडळाकडे दाद मागू शकतो.सल्लागार मंडळाच्या मंजुरीनंतरच १ वर्षाच्या स्थानबद्धतेची मुदत कायम राहते.
गुन्हेगारीचे समूळ उच्चाटन करण्यासाठी आणि नागरिकांच्या सुरक्षेसाठी पोलीस प्रशासन एमपीडीएचा बडगा वापरते.