Deepak Kulkarni
शिवसेना खासदार संदिपान भुमरे यांचे ड्रायव्हर असलेल्या जावेद रसूलचं नशीबच पालटलं आहे.
हैदराबादमधील सालार जंग कुटुंबातील वंशजांकडून भुमरे यांचे चालक जावेद रसूल यांना तब्बल 150 कोटींची तीन एकर जमीन भेट म्हणून देण्यात आली आहे.
आता सालार जंग वंशज मीर मजहर अली खान आणि त्यांच्या सहा नातेवाईकांनी स्वाक्षरी केलेल्या 'हिबानामा' कराराची चौकशी सुरू करण्यात आली आहे.
हिबानामा हा एक कायदेशीर दस्तऐवज मानला जातो.
हिबानामाद्वारे एखादी व्यक्ती आपली मालमत्ता जमीन, घर, दागिने यांसारख्या विविध वस्तूंचं दुसऱ्या व्यक्तीला निःस्वार्थपणे, म्हणजे कोणतीही आर्थिक देवाण-घेवाण न करता, भेट स्वरूपात देऊ शकतो.
हिबा हा अरबी शब्द असून त्याचा अर्थ भेट देणे आहे. मुस्लीम कायद्यात हिबा संकल्पनेला प्रचंड महत्त्वाची मानली जाते. काही प्रसंगी ही संकल्पना सर्वसामान्य कायदेशीर व्यवहारातही वापरली जाते.
हिबानामा झाल्यावर तो न्यायालयाच्या परवानगीशिवाय रद्द करता येत नाही.
कायद्यानुसार 100 रुपयांपेक्षा जास्त मूल्य असलेल्या अचल मालमत्तेसाठी हिबानामा नोंदवणे बंधनकारक असून तो स्टॅम्प पेपरवर तयार होतो. तसेच या हिबानामासाठी स्टॅम्प ड्युटीही भरावी लागते.
हिबा नातेवाईक,मित्र, परकी व्यक्ती, संस्था यांना दिला जातो. पण तो स्वीकारण्यास संबंधित व्यक्ती व संस्था सक्षम असणे अनिवार्य असते. याचवेळी हिबासाठी संबंधित मालमत्ता हस्तांतरणासाठी योग्य असावी असाही नियम आहे.