Deepak Kulkarni
शिवसेनेचे माजी खासदार शिवाजीराव आढळराव-पाटील यांना राष्ट्रवादी काँग्रेसमध्ये घेऊन अजितदादांनी उमेदवारी दिली आहे.
शिरुरमध्ये राष्ट्रवादी काँग्रेस- शरदचंद्र पवार या पक्षाने अमोल कोल्हे यांना उमेदवारी दिली आहे. ही निवडणूक महायुती आणि महाविकास आघाडीकडून प्रतिष्ठेची केली आहे.
2019 च्या लोकसभा निवडणुकीतील पराभवाचा वचपा काढण्यासाठी पाटील पुन्हा मैदानात उतरले असून धुमधडाक्यात प्रचार सुरू आहे.
महायुतीचे उमेदवार शिवाजीराव आढळराव-पाटील त्यांचाच तालुका असलेल्या आंबेगावच्या गावभेट दौऱ्यावर होते.
त्यावेळी लौकी गावात त्यांना सुधीर पंढरीनाथ थोरात या शहीद जवानाच्या पाच वर्षाच्या मुलाने दिलेल्या अभिनव शुभेच्छा पाहून उमेदवारच नव्हे तर उपस्थितही गहिवरले.
शुभेच्छा पत्रासोबत या बालकाने आजोबा म्हणणाऱ्या आढळरावांना चॉकलेट सुद्धा दिले.
यश सुधीर थोरात असे या बालकाचे नाव असून तो `केजी`त आहे. त्याचे लष्करात असलेले वडील सुधीर पंढरीनाथ थोरात हे गेल्यावर्षी शहीद झाले.
त्यांच्या अंत्यसंस्काराच्या वेळी त्यांच्या लौकी या गावी आढळरावांनी यशला शिक्षणासाठी दत्तक घेतल्याचे जाहीर केले.
आढळरावांचा आज थोरातांच्या लौकीत शिरूर लोकसभा निवडणूक प्रचारानिमित्त गावभेट दौरा होता. हे यशला समजताच त्याने आपल्या या आजोबांना भेटण्याचा हट्ट आपली आई तथा वीरपत्नी अश्विनी थोरात यांच्याकडे धरला.