Deepak Kulkarni
राज्यात विधानपरिषदेच्या 4 जागांसाठी निवडणुकीची घोषणा करण्यात आली आहे.
कोकण पदवीधर मतदारसंघ, नाशिक आणि मुंबई शिक्षक मतदार या 4 जागांसाठी ही निवडणूक होत आहे.
अजित पवारांच्या राष्ट्रवादी काँग्रेस पक्षाकडून मंगळवारी (ता.28) मुंबई शिक्षक मतदारसंघासाठी उमेदवार जाहीर करण्यात आला.
अजित पवार गटाकडून मुंबई शिक्षक पदवीधरच्या निवडणुकीच्या रिंगणात उतरवलेले शिवाजीराव नलावडे हे राष्ट्रवादीच्या संस्थापक सदस्यांपैकी एक आहेत.
नलावडे यांनी या अगोदर दोनदा पूर्व उपनगरातून विधानसभा निवडणूक लढली आहेत.
पदवीधर मतदारसंघाचीही निवडणूक नलावडे यांनी लढली आहे. मात्र, त्यांना यश मिळवता आले नव्हते.
सहकार क्षेत्रात त्यांचं मोठं नाव असून त्यामुळेच त्यांना ही उमेदवारी जाहीर करण्यात आली आहे.
यंदाची मुंबई शिक्षक मतदारसंघाची निवडणूक राष्ट्रवादी काँग्रेस पक्ष पूर्ण ताकदीने मुंबई शिक्षक मतदारसंघाची निवडणूक लढवणार असल्याचं शिवाजीराव नलावडे यांनी सांगितलं आहे.
नलावडे सध्या मुंबई जिल्हा मध्यवर्ती सहकारी बँकेचे संचालक असून या निवडणुकीत पक्षनेतृत्वाने दिलेल्या संधीचं सोनं करणार असल्याचा निर्धार त्यांंनी बोलून दाखवला आहे.