Akshay Sabale
सामाजिक आणि पर्यावरणवादी कार्यकर्ते सोनम वांगचूक यांनी लडाखला पूर्ण राज्याचा दर्जा मिळावा यासह विविध मागण्यासाठी उपोषण सुरू केले होते.
20 दिवसांपेक्षा जास्त दिवस कडाक्याच्या थंडीत उणे चार डिग्री सेल्सियस तापमानात उपोषण करणाऱ्या वांगचूक यांची दखल केंद्रातील मोदी सरकारने घेतली नव्हती.
यातच वांगचूक यांच्या मागणीला पाठिंबा दर्शवण्यासाठी शिवसेनेचे नेते, अंबादास दानवे यांनी थेट लडाख येथे जाऊन नुकतीच सोनम वांगचूक यांची भेट घेतली.
उद्धव ठाकरे यांनीही वांगचूक यांच्यांशी फोनवरून संवाद साधत त्यांना पाठिंबा दर्शवला होता. ठाकरेंच्या पाठींब्याच्या शब्दाप्रमाणे अंबादास दानवे यांनी वांगचूक यांची भेट घेतली.
नुकतीच लडाखमध्ये दानवे यांनी सोनम वांगचुक यांची भेट घेतली. या भेटीदरम्यान त्यांच्या शैक्षणिक संस्थेलाही भेट दिली आणि तेथील मुलांशी संवाद साधला.
लडाखच्या लोकांसाठी नुकत्याच झालेल्या त्यांच्या आंदोलनाबाबत त्यांच्याशी चर्चा झाली. शिवसेना पक्षप्रमुख उद्धव ठाकरे यांनही वांगचूक यांच्याशी फोनवरून चर्चा केली.