सरकारनामा ब्यूरो
राष्ट्रवादी काँग्रेसच्या संस्थापक सदस्यांपैकी एक असलेले सचिन अहिर हे आता शिवसेना ठाकरे गटाचे नेते आहेत.
मुंबईच्या श्रीमती एम.एम.के. कॉलेज ऑफ कॉमर्स अँड इकाॅनॉमिक्समधून त्यांनी पदवीचे शिक्षण घेतले.
मोहन गंगाराम अहिर हे त्यांचे वडील तर अरुण गवळी यांचे ते पुतणे आहेत. सचिन अहिर हे छगन भुजबळ यांच्या अत्यंत जवळचे मानले जात.
सुरुवातीच्या काळात खटाऊ फॅब्रिक्स ग्रुपचे चेअरमन सुनीत खटाऊ यांचे वैयक्तिक सहायक आणि अंगरक्षक म्हणून त्यांनी काम केले.
1999 मध्ये शिवडी मतदारसंघातून राष्ट्रवादी काँग्रेसच्या तिकिटावर ते पहिल्यांदा आमदार म्हणून निवडून आले होते. त्या दशकात ते मुंबईतून राष्ट्रवादीचे एकमेव आमदार होते.
राज्यमंत्रिमंडळात गृहनिर्माण, झोपडपट्टी सुधारणा, घर दुरुस्ती आणि पुनर्बांधणी यांसारख्या विविध पदांवर त्यांनी काम केले.
अहिर आणि त्यांच्या पत्नीने श्री संकल्प प्रतिष्ठान चॅरिटेबल ट्रस्टची स्थापना केली. ही संस्था वरळी येथे गोविंदा उत्सवादरम्यान दहीहंडी कार्यक्रम आयोजित करते.
तीनदा आमदार राहिलेले अहिर हे मुंबई राष्ट्रवादीच्या अध्यक्षपदी असताना 2019 मध्ये शिवसेनेत प्रवेश केला.
R