Deepak Kulkarni
भाजपने जळगावचे विद्यमान खासदार उन्मेष पाटील यांचे तिकीट कापले आहे.
जळगावचे भारतीय जनता पक्षाचे खासदार उन्मेष पाटील यांचा देशातील टॉप टेन खासदारांमध्ये समावेश आहे.
भाजपने उन्मेष पाटलांना घरी बसवत या ठिकाणी स्मिता वाघ यांना उमेदवारी दिली आहे.
हा निर्णय खासदार पाटील यांच्या समर्थकांना नाराज करणारा ठरला आहे.
माजी आमदार स्मिता वाघ यांना 2019 मध्ये उमेदवारी जाहीर झाली होती. मात्र, ऐनवेळी पक्षांतर्गत राजकीय डावपेचात स्मिता वाघ यांची उमेदवारी रद्द करून उन्मेष पाटील यांना उमेदवारी जाहीर करण्यात आली होती. त्यावरून मोठा वादही झाला होता.
उमेदवारी न मिळाल्याने नाराज असलेले भाजपचे खासदार उन्मेष पाटील हे महाविकास आघाडीच्या वाटेवर असल्याची चर्चा जळगावमध्ये रंगू लागल्या आहेत.
उन्मेष पाटील हे मागील दोन ते तीन दिवसांपासून मुंबईत तळ ठोकून असल्याची चर्चा आहे.
शिवसेना (ठाकरे गट) प्रमुख उद्धव ठाकरे यांची पाटील यांनी भेट घेतल्याचे बोलले जात आहे.
...पण याचवेळी उन्मेष पाटील यांनी आपण कुणाचीही भेट घेतलेली नसून, मी भाजपचा कार्यकर्ता असून, प्रामाणिकपणे पक्षाचे काम करत राहणार असल्याची प्रतिक्रिया दिली आहे.
R