Jagdish Patil
मौनी अमावस्येच्या दिवशी प्रयागराजमधील महाकुंभमेळ्यात मोठी दुर्घटना घडली.
संगम नाक्यावर अमृतस्नानासाठी भाविकांनी मोठ्या प्रमाणात गर्दी केल्यामुळे चेंगराचेंगरी झाली.
यामध्ये 10 हून अधिक लोकांचा मृत्यू झाल्याची भीती व्यक्त केली जात आहे.
चेंगराचेंगरीत जखमी झालेल्यांना पोलिसांनी तातडीनं नजीकच्या रुग्णालयात दाखल केलं.
संगम नाक्यावर स्नान करण्यासाठी भाविकांनी इतकी गर्दी केली होती की अनेकांना श्वास घेता येत नव्हता.
चेंगराचेंगरीमुळे घाबरेल्या भाविकांनी पोलिसांनी सुरक्षेसाठी लावलेले बॅरिकेड्स तोडून आपली सुटका करण्याचा प्रयत्न केला.
महाकुंभमेळा परिसरातील चेंगराचेंगरीत अनेकांना आपल्या महत्वाच्या वस्तू गमवाव्या लागल्या.
अनेक भाविकांना त्यांच्या कुटुंबातील सदस्य बेपत्ता झाल्यामुळे अश्रू अनावर झाले होते.