Rajanand More
काँग्रेसच्या ज्येष्ठ नेत्या सोनिया गांधी यांच्या Belonging : A Journey of Love या आत्मचरित्रातून त्यांच्या आयुष्यातील अनेक जुन्या आठवणींना उजाळा मिळाला आहे. पुस्तकातील अनेक छायाचित्रांमुळे अनेक खास क्षण उलगडले आहेत.
पुस्तकात सोनिया गांधी यांच्या बालपणातील काही खास छायाचित्रे आहेत. इटलीतील त्यांचे बालपण, आई-वडिलांसोबतचे क्षण, सुरुवातीच्या आयुष्यातील आठवणींना उजाळा दिला आहे.
राजीव गांधी यांच्याविषयी भावना व्यक्त करताना सोनिया गांधी यांनी सहजीवनातील काही खास क्षणांचे फोटोही या पुस्तकात समाविष्ट केले आहेत.
सोनिया गांधी यांनी प्रियांका आणि राहुल यांच्याविषयीही पुस्तकात भरभरून लिहिले आहे. त्यांचेही बालपणापासूनचे फोटो पुस्तकात पाहायला मिळतात.
गांधी कुटुंबाशी संबंधित काही अपरिचित क्षणांचा उल्लेख पुस्तकात आहेत. विविध फोटोंमधून कौटुंबिक क्षण उलगडत जातात.
सोनिया गांधी यांच्या राजकीय प्रवासातील महत्त्वाच्या घडामोडींचे फोटोही पुस्तकात पाहायला मिळतात. त्यातून अनेक राजकीय घटनांची आठवण झाल्याशिवाय राहत नाही.
सोनिया गांधी यांनी आपल्या आयुष्यात अनेक सुख-दुःखाचे प्रसंग पुस्तकात मांडले आहेत. त्यांच्या संपूर्ण आयुष्याचा सारीपाट या पुस्तकातून उलगडला आहे.
पुस्तकातील दुर्मिळ फोटो आणि त्यामागील आठवणी यामुळे या पुस्तकाबद्दल वाचकांमध्ये उत्सुकता निर्माण झाली आहे. राजकारण, कौटुंबिक जीवन आणि वैयक्तिक संघर्ष अशा विविध पैलूंवर प्रकाश या पुस्तकातून टाकण्यात आला आहे.