Rashmi Mane
धर्मवीर छत्रपती संभाजी महाराज हे शौर्य, बलिदान आणि स्वाभिमानाचे प्रतीक आहेत. त्यांच्या कार्याचा गौरव म्हणून पिंपरी-चिंचवडमध्ये त्यांचा पूर्णाकृती पुतळा उभारण्यात आला आहे.
‘‘स्टॅच्यू ऑफ हिंदुभूषण’’ या नावाने त्यांचा भव्य-दिव्य आणि जगातील सर्वांत उंच पूर्णाकृती पुतळा उभारला गेला आहे. हा पुतळा तब्बल 100 फुटी असून तो ब्रॉंज धातूपासून साकारला गेला आहे.
संभाजी महाराजांना मानवंदना म्हणून ढोल-ताशा सोहळा आयोजित करण्यात आला होता. ज्यासाठी 3000 ढोल, 1500 ताशे आणि 500 ध्वजांसह हा गगनभेदी सोहळा जल्लोषात पार पडला.
बोराडेवाडी-मोशी परिसरात होत असलेल्या या प्रकल्पासाठी पिंपरी-चिंचवड महानगरपालिकेकडून तब्बल 48 कोटी रुपयांचा खर्च केला जात आहे.
अद्याप काम सुरू असले तरी लवकरच हा ऐतिहासिक प्रकल्प पूर्णत्वास जाणार आहे. या शंभुसृष्टीमुळे शहराच्या शिरपेचात मानाचा आणखी एक तुरा रोवला जाणार आहे.
या पुतळ्यासोबतच 40 फूट उंच चौथरा, सरसेनापती हंबीरराव मोहिते यांचा पुतळा, तसेच 16 सेनापती आणि मावळ्यांची शिल्पे उभारली जाणार आहेत.
या संपूर्ण ‘‘शंभुसृष्टी’’त छत्रपती संभाजी महाराजांच्या जीवनकार्याचा इतिहास जिवंत होणार आहे.