Roshan More
सुखबीर सिंग संधू हे १९८८ च्या बॅचचे उत्तराखंड केडरचे निवृत्त आयएएस (IAS) अधिकारी आहेत. त्यांनी १५ मार्च २०२४ रोजी भारताचे निवडणूक आयुक्त म्हणून पदभार स्वीकारला.
त्यांनी अमृतसरच्या सरकारी वैद्यकीय महाविद्यालयातून एमबीबीएस पदवी घेतली आहे. तसेच, त्यांनी इतिहासात पदव्युत्तर पदवी (MA) मिळवली असून ते लॉ ग्रॅज्युएट (कायदा पदवीधर) देखील आहेत.
ते जुलै २०२१ ते जानेवारी २०२४ या काळात उत्तराखंड राज्याचे मुख्य सचिव होते.
त्यांनी 'नॅशनल हायवेज ऑथॉरिटी ऑफ इंडिया' (NHAI) चे अध्यक्ष म्हणून सुमारे २ वर्षे काम पाहिले. तसेच केंद्रीय उच्च शिक्षण विभागात अतिरिक्त सचिव म्हणून आयआयटी आणि आयआयएम सारख्या संस्थांचे कामकाज पाहिले.
त्यांनी भारताच्या लोकपालचे सचिव म्हणूनही संक्षिप्त काळ सेवा दिली.तसचे उत्तराखंडमध्ये तीन वेगवेगळ्या राजकीय पक्षांच्या ४ मुख्यमंत्र्यांचे प्रधान सचिव म्हणून त्यांनी सुमारे ८ वर्षे काम केले.
डॉ. विवेक जोशी हे १९८९ च्या बॅचचे हरियाणा केडरचे आयएएस अधिकारी आहेत. त्यांनी १९ फेब्रुवारी २०२५ रोजी निवडणूक आयुक्त पदाचा कार्यभार स्वीकारला.
त्यांनी आयआयटी (IIT) रुरकी येथून मेकॅनिकल इंजिनिअरिंग (B.E.) पूर्ण केले. त्यानंतर, आयआयएफटी (IIFT) दिल्लीतून आंतरराष्ट्रीय व्यापारात पीजी डिप्लोमा केला. त्यांनी जिनेव्हा विद्यापीठातून (स्वित्झर्लंड) आंतरराष्ट्रीय अर्थशास्त्रात एम.ए. आणि पीएच.डी. पूर्ण केली आहे.