Rashmi Mane
उपमुख्यमंत्री सुनेत्रा पवार यांनी मुंबईतील प्रसिद्ध लालबागच्या राजाचे मनोभावे दर्शन घेतले. यावेळी त्यांनी महाराष्ट्रातील शेतकऱ्यांसाठी गणरायाकडे प्रार्थना केली.
दुष्काळसदृश परिस्थितीमुळे शेतकऱ्यांचे मोठे नुकसान झाले आहे. पिकांचे नुकसान भरून निघावे आणि शेतकऱ्यांना दिलासा मिळावा, यासाठी सुनेत्रा पवार यांनी साकडे घातले आहे.
वर्षभर मेहनत करून उभी केलेली पिके संकटामुळे उद्ध्वस्त झाल्याने शेतकरी अडचणीत आला आहे. या परिस्थितीबद्दल त्यांनी चिंता व्यक्त केली आहे.
शेतकऱ्यांना झालेल्या नुकसानीची योग्य भरपाई मिळावी आणि त्यांच्या आयुष्यात पुन्हा आशेचे वातावरण निर्माण व्हावे, अशी प्रार्थना त्यांनी केली.
लालबागच्या राजाच्या दर्शनावेळी सुनेत्रा पवार यांच्यासोबत त्यांच्या होणाऱ्या सुनेचीही उपस्थिती होती.
यावेळी पार्थ पवार देखील उपस्थित होते. पवार कुटुंबीयांनी एकत्रितपणे लालबागच्या राजाचे दर्शन घेतले.
शेतकऱ्यांना या संकटातून सावरण्यासाठी आवश्यक मदत मिळावी, यासाठी त्यांच्या पाठीशी खंबीरपणे उभे राहण्याचा निर्धार व्यक्त करण्यात आला.