Deepak Kulkarni
नागपूर जिल्हा मध्यवर्ती सरकारी बँक (NDCC) घोटाळा प्रकरणात बँकेचे तत्कालीन अध्यक्ष सुनील केदार यांना पाच वर्षांच्या तुरुंगवासाची शिक्षा सुनावण्यात आली आहे.
सुनील केदार हे काँग्रेसचे ज्येष्ठ नेते असून महाविकास आघाडी सरकारमध्ये मंत्री राहिले आहेत.
नागपूर जिल्हा मध्यवर्ती सहकारी बँकेत 2002 मध्ये कोट्यवधी रुपयांचा घोटाळा उघडकीस आला होता.
त्यावेळी केदार हे बँकेचे अध्यक्ष होते. तेच या खटल्यातील मुख्य आरोपीही आहेत.
या घोटाळ्यात केदार यांना नागपूर येथील अतिरिक्त मुख्य न्यायदंडाधिकारी न्यायालयाने दोषी ठरविले होते.
घोटाळा उघडकीस आल्याच्या तब्बल 22 वर्षांनंतर याचा निकाल लागला आहे.
नागपूर जिल्हा बँकेच्या रकमेतून 2001-02 मध्ये सहकार विभागाचा कायद्यातील तरतुदींचे उल्लंघन करत काही कंपन्यांनी गुंतवणूक करण्यात आली होती. कालांतराने कंपनी दिवाळखोरीत निघाल्याने बँकेतील शेतकऱ्यांचे पैसेही बुडाले.
2001-2002 मध्ये नागपूर जिल्हा मध्यवर्ती सहकारी बँकेत 152 कोटी रुपयांपेक्षा अधिक रकमेचा घोटाळा झाला होता. कोलकाता आणि अहमदाबाद येथील काही कंपन्यांनी बँकेच्या रकमेतून 125 कोटी रुपयांचे सरकारी रोखे खरेदी केले होते.
न्यायालयाने या प्रकरणी सुनील केदार (तत्कालीन बँक अध्यक्ष), केतन शेठ (मुख्य रोखे दलाल), अशोक चौधरी (तत्कालीन बँक मॅनेजर) या तिघांसह आणखी तीन रोखे दलाल अशा एकूण सहा जणांना दोषी ठरविले आहे.