सरकारनामा ब्यूरो
तेलंगणात काँग्रेसला बहुमत मिळवून देणारे प्रदेशाध्यक्ष रेवंथ रेड्डी मुख्यमंत्री पदाचे प्रबळ दावेदार मानले जात आहेत.
रेड्डी यांचा जन्म 8 नोव्हेंबर 1967 रोजी पूर्वीच्या आंध्र प्रदेशातील कोंडारेड्डी पल्ली, नगरकुर्नूल येथे झाला.
हैदराबाद येथील ए. व्ही. कॉलेजमध्ये ललित कला केंद्रातून त्यांनी पदवीचे शिक्षण पूर्ण केले.
रेड्डींनी विद्यार्थिदशेत एबीव्हीपीचे कार्यकर्ते होते. माजी केंद्रीय मंत्र्यांच्या भाचीशी लग्न केल्यानंतर ते खऱ्या अर्थाने राजकारणात सक्रिय झाले.
जिल्हा परिषदेतील विजयानंतर रेड्डी विधान परिषदेत गेले. यानंतर त्यांनी एन. चंद्रबाबू यांच्या नेतृत्वातील टीडीपीमध्ये प्रवेश केला.
जायंट किलर
टीडीपीकडून पहिल्या विधानसभा निवडणुकीत त्यांनी पाच वेळा काँग्रेसचे आमदार राहिलेले गुरुनाथ रेड्डींचा पराभव केला.
रेवंथ यांनी 31 ऑक्टोबर 2017 रोजी, काँग्रेसमध्ये प्रवेश केला. काँग्रेसकडून त्यांना पहिल्यांदा पराभव स्वीकारावा लागला. यानंतर ते काँग्रेसकडून २०१९ मध्ये खासदार बनले.
रेवंथ रेड्डी हे पहिल्यापासून बीआरएसचे प्रमुख आणि मुख्यमंत्री केसीआर यांचे कडवे विरोधक म्हणून ओळखले जातात.
रेवंथ यांना जून २०२१ मध्ये तेलंगणा राज्याचे प्रदेशाध्यक्षपदाची जबाबदारी दिली. त्यांच्या नेतृत्वातच आता काँग्रेसने मोठे यश प्राप्त केले आहे.