सरकारनामा ब्यूरो
तेलंगणा येथे झालेल्या विधानसभा निवडणुकीत यश मिळाल्यावर नव्या सरकारमध्ये मंत्रिपदाची शपथ घेतलेल्या ११ मंत्र्यांपैकी सीताक्का एक आहेत.
सीताक्का यांनी कमी वयातच माओवादी आंदोलनात सहभाग घेतला होता.
आदिवासी जन समुदायातील सीताक्का या सशस्त्र गटाचे नेतृत्त्व करत होत्या.
या आंदोलनावेळी त्यांनी आपला भाऊ आणि पती या दोघांनाही गमावलं.
सुरुवातीचे दहा वर्षे जंगलात राहून सीताक्का यांनी माओवादी बंडखोर म्हणून काम केले.
काही वर्षांनी त्यांनी बाहेर पडून माफी योजनेअंतर्गत पोलिसांसमोर आत्मसमर्पण केले, त्यानंतर त्यांच्या आयुष्याला नवे वळण मिळाले
अभ्यास करुन त्यांनी कायद्याची पदवी मिळवली आणि वारंगल येथील न्यायालयात प्रॅक्टिसही केली.
कोविड-19 साथीच्या काळात त्यांच्या कार्याचे दूरदूरपर्यंत कौतुक झाले आणि त्यानंतर सीताक्कांनी उस्मानिया विद्यापीठातून राज्यशास्त्रात पीएचडी पूर्ण केली.
2017 मध्ये सीताक्का यांनी तेलगू देसम पक्षातून काँग्रेसमध्ये प्रवेश केला आणि 2018 ची विधानसभा निवडणूक जिंकली.