Jagdish Patil
थलपती विजय मुख्यमंत्री बनल्यामुळे तामिळनाडूच्या राजकारणात मोठा बदल घडून आला आहे.
शिवाय मुख्यमंत्री बनल्यानंतर विजय यांच्याशी सबंधित काही लोकांना लॉटरी लागली आहे.
अशीच लॉटरी विजय यांचे ज्योतिषी राधन पंडित वेट्रिवेल यांना लागली आहे.
कारण, तामिळनाडू सरकारने राधन पंडित यांची मुख्यमंत्री कार्यालयात OSD म्हणून नियुक्ती केली आहे.
राधन पंडित यांची मुख्यमंत्री कार्यालयात 'विशेष कर्तव्य अधिकारी' म्हणून नियुक्ती केल्याचा शासन आदेश जारी करण्यात आला आहे.
पंडित यांनी तामिळनाडूमध्ये अभिनेता विजय यांच्या विजयाचे भाकीत केले होते.
राधन पंडित हे तामिळनाडूतील एक प्रमुख आध्यात्मिक मार्गदर्शक आहेत.
त्यांनी माजी मुख्यमंत्री जयललिता यांचेही आध्यात्मिक मार्गदर्शक म्हणून काम पाहिलं होतं.
पंडित यांनी निवडणुकीपूर्वीच थलपती विजय यांचा TVK पक्ष विजयी होईल असा अंदाज वर्तवला होता.
TVK च्या विजयानंतर, राधन पंडित यांनी थेट विजय यांच्या घरी जाऊन त्यांचं अभिनंदन केलं.
मागील 40 वर्षांपासून ते ज्योतिष क्षेत्रात कार्यरत असून ते सोशल मीडियावरही लोकांना ज्योतिषविषयक सल्ले देतात.