Rajanand More
मणिपूरमध्ये पुढील वर्षी विधानसभेची निवडणूक आहे. त्यासाठी काँग्रेसने कंबर कसली आहे. यापार्श्वभूमीवर विविध क्षेत्रातील व्यक्तींना काँग्रेसकडून पक्षात घेतले जात आहे.
मणिपूर पोलीस दलातील डॅशिंग महिला अधिकारी अशी ओळख मिळविलेली वृंदा देवी यांनी सोमवारी (ता. १४) काँग्रेसमध्ये प्रवेश केला. त्यांच्यासह इतर दहा जणही पक्षात दाखल.
काँग्रेसमध्ये प्रवेश करताच वृंदा देवी यांनी आपली उमेदवारी जाहीर केली. त्यांची ही राजकारणातील पहिलीच एंट्री नाही.
वृंदा देवी यांनी २०२२ मध्येही विधानसभा निवडणूक लढविली आहे. या निवडणुकीत त्या संयुक्त जनता दलाकडून भाजपच्या विरोधात मैदानात उतरल्या होत्या. मात्र, पराभव झाला.
वृंदा देवी या २०१२ च्या तुकडीच्या राज्य पोलीस दलातील अधिकारी होत्या. त्यांनी २०२२ मध्ये स्वेच्छानिवृत्ती घेत राजकारणात नवी इनिंग सुरू केली.
वृंदा देवा या अतिरिक्त पोलीस अधिक्षक होत्या. तसेच ड्रग्जविरोधी मोहिमेतही त्यांची महत्वाची भूमिका राहिली. त्यांच्या टीमने ड्रग्जमाफियांचे कंबरडे मोडले होते.
तत्कालीन मुख्यमंत्री बिरेन सिंग यांच्यावर त्यांनी गंभीर आरोप केले होते. ड्रग्जशी संबंधित एका व्यक्तीवर कारवाई करू नये, असे त्यांनी सांगितल्याचा आरोप वृंदा यांनी कोर्टात केला होता.
वृंदा देवी या वारंवार मुख्यमंत्र्यांविरोधात विधाने करत होत्या. या कालावधीत त्यांच्यावरही गुन्हा दाखल झाला. त्यांच्यावरही गंभीर आरोप झाले होते. चौकशीही करण्यात आली होती. हा वाद सुरू असतानात त्यांनी स्वेच्छानिवृत्ती घेतली.