Deepak Kulkarni
अभिनेत्री दीपाली सय्यद पुन्हा एकदा चर्चेत आली आहे. तिचं राजकारणाशी जवळचं नातं राहिलं आहे.
दीपाली सय्यद यांनी अनेक मालिका, जाहिरातींसह सिनेमांमध्ये काम केलं आहे. त्या उत्तम नृत्यांगना असून रिअॅलिटी शोमध्येही परीक्षक म्हणून त्यांनी काम केलं आहे.
दीपाली सय्यद यांनी अभिनयाची छाप पाडल्यानंतर त्यांनी राजकारणात एन्ट्री घेतली होती. आम आदमी पक्षाच्या तिकिटावर त्यांनी 2014 मध्ये अहिल्यानगरमधून लोकसभा निवडणूक लढवली होती, मात्र त्यांचा पराभव झाला होता.
यानंतर अभिनेत्री दीपाली सय्यद यांनी शिवसंग्राम या पक्षात प्रवेश केला होता.
3 ऑक्टोबर 2019 ला दीपाली सय्यद यांनी आपला सोडचिठ्ठी देत रश्मी ठाकरे यांच्या हस्ते शिवबंधन बांधून घेत शिवसेनेत प्रवेश केला होता. यानंतर त्यांनी एकनाथ शिंदेंच्या शिवसेनेची वाट धरली होती.
मराठी दिग्दर्शक स्वरूप बी सावंत यांनी 'महाराष्ट्र एपस्टीन फाईल्स' नाव असलेल्या अशोक खरातच्या काळ्या कृत्यांवर आधारित चित्रपटाची घोषणा केली आहे.
या चित्रपटात अभिनेत्री दीपाली सय्यद या रुपाली चाकणकर यांची भूमिका साकारणार असल्याची माहिती आहे. पण याचदरम्यान,त्यांनी हादरवणारा दावा केला आहे.
अशोक खरात प्रकरणावरील आधारित चित्रपटात काम न करण्याबाबत दबाव टाकण्यात येत असून धमक्यांचे फोनही आल्याचा खळबळजनक दावा अभिनेत्री दीपाली सय्यद यांनी केला आहे.