Aslam Shanedivan
बॉलिवूड अभिनेता टायगर श्रॉफच्या कारवर गोळीबार झाला असून ही घटना जुहू परिसरातील पुष्पा पार्कजवळ घडली आहे.
या घटनेत टायगर सुरक्षित असून त्याचा चालक आणि एक रिक्षाचालकल जखमी जाला असून दोघांवर रुग्णालयात उपचार सुरू आहेत. या घटनेनं खळबळ उडाली आहे.
दरम्यान या हल्ल्यामागे लॉरेन्स बिश्नोई गँग असल्याचे समोर आले असून दोन नावे देखील समोर आली आहेत.
या घटनेनंतर एक पोस्ट सोशल मीडियावर व्हायरल झाली असून अनिल पंडित आणि हरमन संधू यांनी हल्ल्याची जबाबदारी घेतली आहे.
अनिल पंडित लॉरेन्स बिश्नोई गँगशी संबंधित असून तो स्वत: ला भाऊ म्हणत असून हरमन संधूला मोठा भाऊ म्हणत आहे.
अनिल पंडित हा हरियाणाचा रहिवासी असून सध्या अमेरिकेत आहे. तो लॉरेन्स बिश्नोईच्या जवळचा असल्याचे म्हटले जाते, ज्याने यापूर्वी अनेक हल्ल्यांची जबाबदारी स्वीकारली आहे.
अनिल पंडितचं नाव यापूर्वीही जून २०२६ मध्ये दिल्लीतील पश्चिम विहार परिसरातील एका जिमवर गोळीबार झाल्यानंतर समोर आले होते.
तसेच, हरियाणातील हांसी येथे जिम ट्रेनर कपिल रेड्डू यांच्या हत्येनंतर व्हायरल झालेल्या पोस्टमध्ये हरमन संधूचं नाव देखील समोर आले होते.