Jagdish Patil
मालेगाव महापालिकेच्या उपमहापौर शान ए हिंद यांनी त्यांच्या दालनात टिपू सुलतानचा फोटो लावल्याने मोठा वाद झाला.
त्यांच्या या कृतीवर शिवसेना आणि भाजपने तीव्र आक्षेप घेतल्यानंतर हा फोटो हटवण्यात आला.
मात्र, या प्रकरणामुळे संपूर्ण राज्यातील राजकारण ढवळून निघालं आहे.
याच पार्श्वभूमीवर ज्यांच्या दालनात टिपूचा फोटो लावला होका त्या शान-ए-हिंद कोण आहेत? ते जाणून घेऊया.
मालेगावच्या विद्यमान उपमहापौर असलेल्या शान-ए-हिंद सलग 3 वेळा नगरसेविका म्हणून निवडून आल्या आहेत.
जनता दलाचे दिवंगत नेते आणि मालेगावचे 7 वेळा आमदार राहिलेल्या निहाल अहमद यांच्या त्या कन्या आहेत.
निहाल हे मालेगाव महापालिकेचे पहिले महापौर तर शान-ए-हिंद यांची आई सजेदा या नगर परिषदेच्या अध्यक्षा होत्या.
शान ए हिंद यांनी कायद्याची पदवी घेतलेय. मात्र, वडील आणि भावाच्या अकाली निधनामुळे त्या राजकारणात आल्या.
2023 मध्ये एच. डी. देवेगौडांच्या नेतृत्वाखालील जनता दलाने (धर्मनिरपेक्ष) भाजपशी युती केल्यामुळे त्यांनी समाजवादी पार्टीत प्रवेश केला.
2024 ला सपाच्या तिकिटावरच त्यांनी विधानसभा लढवली. मात्र या निवडणुकीत त्यांचा पराभव झाला.
महापालिका निवडणुकीत त्यांनी 'इस्लाम' पक्षाशी युती केली. दोन्ही पक्षाला मिळून 40 जागा मिळाल्या. ज्यामध्ये सपाचे 5 नगरसेवक आहेत.