Jagdish Patil
आपल्या धडाकेबाज कामगिरीमुळे प्रसिद्ध असलेले तुकाराम मुंढे यांची पुन्हा एकदा बदली करण्यात आली. ही त्यांच्या 19 वर्षांच्या कारकीर्दितील 21 वी बदली आहे.
पशुसंवर्धन आणि दुग्ध विकास सचिवपदावरून त्यांची बदली करण्यात आली आहे.
मागील वर्षी जुलै महिन्यात त्यांची पशुसंवर्धन आणि दुग्ध विकास सचिव पदावर नियुक्ती करण्यात आली होती.
आता विकास आयुक्त, असंघटित कामगार या पदावर त्यांची नियुक्ती करण्यात आली आहे.
2007 सालापर्यंत ते सोलापूरचे उपजिल्हाधिकारी म्हणून कार्यरत होते. येथूनच त्यांनी आपल्या प्रशासकीय कारकिर्दीला सुरुवात केली.
मुंढे हे शिस्तप्रिय अधिकारी आहे. ते जिथे जातात तिथे त्यांचा दबदबा निर्माण करतात. नवी मुंबईसह नागपूर महापालिकेचे आयुक्त म्हणून त्यांनी कामकाज पाहिलं आहे.
मात्र त्यांच्या धडाकेबाज कार्यपद्धतीमुळे त्यांचे स्थानिक प्रशासनासोबत वारंवार वाद-मतभेद होतात. हे एक त्यांच्या सतत बदली होण्यामागचं कारण मानलं जातं.