Chetan Zadpe
तुतारी हे महाराष्ट्राचं पारंपरिक वाद्य आहे. शुभप्रसंगी-मंगलप्रसंगी तुतारी हे वाद्य महाराष्ट्रात इतिहास काळापासून वाजवले जाते.
तुतारी हे वाद्य केवळ राजेशाही परंपरेशी जोडलेले नसून, अलीकडील काळात तुतारीला राजकीय परंपराही लाभली आहे. विविध राजकीय सभांची सुरुवात तुतारी वादनाने होत असे.
महाराष्ट्राच्या संस्कृतीत ढोल-ताशे, हलगी, टाळ - मृदुंग, नगारे यासोबतच तुतारी ही ऊर्जा देणारी आणि मनात स्फुलिंग चेतवणारे वाद्य आहे.
महाराष्ट्राच्या गौरवशाली इतिहासात महाराष्ट्रीयांच्या लढवय्यांच्या मनगटात बळ आणि विजयाची प्रेरणा देणारे हे वाद्य आहे.
लढाईस जिंकणे, राजाचे आगमन होणे इत्यादी प्रसंगी तुतारी वाजवली जात असे. आता शुभप्रसंगी-सभा-समारंभांच्या उद्घाटनप्रसंगी तुतारी वाजवतात.
महाराष्ट्रासह तुतारी हे वाद्य दक्षिण भारतात, श्रीलंका आणि नेपाळमध्येही वाजवले जाते.
आता राष्ट्रवादी काँग्रेस पार्टी शरदचंद्र पवार म्हणजेच राष्ट्रवादीच्या पवार गटाला तुतारी हे वाद्य पक्षचिन्ह म्हणून बहाल करण्यात आले आहे. पक्ष तुतारी वाजवूनच निवडणुकांचे रणशिंग फुंकणार आहे.
R