Sunil Balasaheb Dhumal
शिवसेनेचे नेते उद्योग मंत्री उदय सामंत यांचे मोठे बंधू किरण सामंत नाराज असल्याची चर्चा आहे.
सामंतांनी काँग्रेसचे नेते विजय वडेट्टीवार यांची भेट घेतली आहे.
या भेटीने किरण सामंत, मुख्यमंत्री एकनाथ शिंदेंची साथ सोडण्याच्या तयारीत असल्याची चर्चा आहे.
रत्नागिरी-सिंधुदुर्ग लोकसभेसाठी किरण सामंत इच्छुक आहेत.
या जागेवर भाजपकडून सार्वजनिक बांधकाम मंत्री रवींद्र चव्हाणांनी प्रबळ दावा सांगितला आहे.
किरण सामंतांनी काही महिन्यांपूर्वी सोशल मीडियावर मशालीचा फोटो पोस्ट केला होता.
किरण सामंत यांची नाराजी नक्की उदय सामंत की पक्षावर आहे, याबाबत चर्चांना उधाण आले.
दरम्यान, राजापूर लांजा विधानसभा मतदारसंघातून किरण सामंतांची सुकन्या अपूर्वा यांनी लक्ष घातले आहे.