Rashmi Mane
कोल्हापूर मतदारसंघातून लोकसभा निवडणुकीसाठी महाविकास आघाडीतील काँग्रेसकडून शाहू महाराज छत्रपती यांची उमेदवारी जाहीर झाली आहे.
त्या पार्श्वभूमीवर गुरुवारी शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे कोल्हापूर आणि सांगली दौऱ्यावर आले होते.ू
या वेळी ठाकरेंनी कोल्हापूरमधील शाहू महाराज छत्रपती यांची भेट घेतली.
त्यांनी कसबा बावडा येथील नवीन राजवाडा येथे शाहू महाराज छत्रपती यांची भेट घेऊन चर्चा केली.
या वेळी झालेल्या भेटीत ठाकरे आणि शाहू महाराज छत्रपती यांच्यात जवळपास तासभर चर्चा केली.
या वेळी पत्रकारांशी बोलताना शिवसेना ठाकरे गट पूर्ण ताकतीने त्यांच्या पाठीशी उभा राहणार आहे.
महाराजांना विजयी केल्याशिवाय शांत बसणार नाही, असा शब्ददेखील ठाकरेंनी दिला.
'आगामी लोकसभा निवडणूक म्हणजे मराठी अस्मितेचा प्रश्न आहे. आम्ही महाराजांना वचन दिले आहे. आम्ही प्रचाराला येणार आहोत. शिवाय त्यांच्या विजयाच्या सभेलादेखील आम्ही उपस्थित राहणार आहोत,' असेही उद्धव ठाकरे या वेळी म्हणाले.
R