Akshay Sabale
अहमदशाह अब्दालीचा राजकीय वंशज हा पुण्यात आला होता. तो अहमद शाह होता आणि हे अमित शाह आहेत, अशी टीका शिवसेना ठाकरे गट पक्षप्रमुख उद्धव ठाकरेंनी केली.
नवाज शरीफचा केक खाणाऱ्यांकडून आता आम्ही हिंदुत्व शिकायचं का? असा सवाल उद्धव ठाकरेंनी अमित शहांना विचारला आहे.
शिवसेनेने हिंदुत्व सोडल्याचे अमित शाह म्हणाले. आम्ही हिंदुत्व सोडलेलं नाही, अशा शब्दांत ठाकरेंनी ठणकावलं आहे.
कोणत्याही ढेकणांना आव्हान देत नाही, ढेकनांना आव्हान द्यायचं नसतं, तर त्यांना अंगठ्याने चिरडायचे असते, असा हल्लाबोल ठाकरेंनी देवेंद्र फडणवीसांवर केला आहे.
मशाल ही निशाणी जाणीवपूर्वक निवडली. न्याय देवतेवर आमचा विश्वास आहे. 50 वर्षात नक्की निकाल लागेल, अशी टोलेबाजी उद्धव ठाकरेंनी केली.
मी न्याय मागायला जनतेच्या न्यायालयात जातं आहे, आजपासून जनतेच्या न्यायालयात लढाई सुरु झाली आहे, असं उद्धव ठाकरेंनी सांगितलं.