Rajanand More
केंद्रीय मंत्री शिवराज सिंह चौहान यांचा मोठा मुलगा कार्तिकेय लवकरच विवाह बंधनात अडकणार आहे. अमानत बन्सल हिच्यासोबत कार्तिकेयचा विवाह होणार आहे.
अमानत ही मुळची राजस्थानची असून कार्तिकेयसोबत अनेक दिवसांपासूनची ओळख आहे. दोघांचा काही दिवसांपूर्वीच साखरपुडाही झाला आहे.
अमानतचे वडील अनुपम बन्सल हे उद्योगपती आहेत. लिबर्टी शू या कंपनीचे ते कार्यकारी संचालक आहेत. तर आई रुचिता या कॉन्फडरेशन ऑफ वुमन आंत्रप्य्रुनर्स ऑफ इंडिया ही संस्था चालवतात.
लिबर्टी ही कंपनी १९५४ मध्ये स्थापन झाली होती. आज या कंपनीची २५ देशांमध्ये उत्पादने पोहचत आहेत. कंपनीची उलाढाल सुमारे ६०० कोटींची आहे.
अमानतने लंडनमधील ऑक्सफर्ड विद्यापीठात पदव्युत्तर पदवीचे शिक्षण घेतले आहे. मानसशास्त्र विषयात तिने ही पदवी मिळवली आहे.
शिक्षण घेत असतानाच कार्तिकेय आणि अमानत या दोघांची ओळख झाली. अनेक दिवसांपासून त्यांच्या विवाहाची चर्चा होती.
अमानत ही शास्त्रीय नृत्यामध्येही पारंगत आहे. तिने दिल्लीत भरतनाट्यमचे सादरीकरण मोठ्या व्यासपीठावरही केले आहे.
कार्तिकेय याने पुण्यातील सिम्बायोसिस विद्यापीठातून एलएलबीचे शिक्षण घेतले आहे. तसेच अमेरिकेत एलएलएमची पदवी मिळवली आहे.