Aslam Shanedivan
अर्थमंत्री निर्मला सीतारमण यांनी आज लोकसभेत वर्ष २०२६-२७ साठी केंद्र सरकारचा अर्थसंकल्प सादर केला
या अर्थसंकल्पात सीतारमण यांनी अनेक मोठ्या घोषणा केल्या ज्यात शेतकरी, तरुण आणि सर्वसामान्यांवर अधिक लक्ष्य केंद्रित करण्यात आले आहे.
याच वेळी सीतारमण यांनी अर्थसंकल्पात महिलांसाठी विशेष घोषणा केली असून लखपती दीदीनंतर 'शी-मार्ट'या नव्या योजनेची घोषणा केलीय.
या योजनेचा मुख्य उद्देश महिलांना आत्मनिर्भर बनवणे आणि त्यांच्या उद्योजकतेला प्रोत्साहन देणे असून व्यवसायासाठी स्वस्त कर्ज आणि विशेष पाठबळ मिळणार आहे.
लखपति दीदी या योजनेचा पुढचा टप्पा म्हणून शी-मार्ट योजना असून छोट्या व्यवसायांना स्थिरता मिळवून दिली जाणार आहे.
महिलांना व्यवसायासाठी या योजनेअंतर्गत अत्यंत कमी व्याजदरात कर्ज उपलब्ध करून दिले जाणार आहे.
केवळ आर्थिक मदतच नाही, तर व्यवसायासाठी आवश्यक असलेले तांत्रिक व स्ट्रक्चरल सहकार्य दिले जाईल.
महिलांनी तयार केलेल्या उत्पादनांना मोठ्या स्तरावर विक्रीसाठी बाजारपेठ मिळवून देण्याचे काम शी-मार्ट करणार आहे.
लहान उद्योगांना पुढे नेण्यासाठी सरकारने १० हजार कोटी रुपयांची तरतूद केली असून छोट्या व्यावसायिकांना प्रगती करून मुख्य प्रवाहात येणे सोपे होणार आहे.