सरकारनामा ब्यूरो
केंद्रीय राज्यमंत्री रामदास आठवले हे सहकुटुंब दोन दिवसांच्या लक्षद्वीप दौऱ्यावर गेले होते.
गंगाराम बेटावर बसून समुद्राचा अगदी मनसोक्त आनंद त्यांनी लुटला.
निसर्गरम्य आणि अत्यंत सुंदर अशा लक्षद्वीपवर आपल्या परिवारासोबत त्यांनी क्वाॅलिटी टाइम स्पेंड केला.
बोट सफारीसोबत त्यांनी आपल्या मुलासोबत समुद्राच्या खोल तळात जाऊन चित्त थरारक स्कूबा डायव्हिंगची सफर केली.
'दुनिया में जहाँ भी देखूंगा शिप .... मुझे याद आयेगा लक्षद्वीप ...!' ही कविता गुणगुणत त्यांनी समुद्र किनाऱ्यावरून फेरफटका मारला.
या वेळी लक्षद्वीपच्या अगट्टी बेटावरील बौद्ध वारसा असलेल्या संग्रहालयालाही त्यांनी भेट दिली.
मत्स्यालय आणि मत्स्य संशोधन केंद्राची त्यांनी माहिती घेतली आणि एका कार्यक्रमादरम्यान तेथील जनतेशी संवाद साधला.
एकदा तरी सहकुटुंबाने या ठिकाणी भेट द्यावी, असे त्यांनी जनतेला आवाहन केले.
लक्षद्वीप दौऱ्याचे फोटो शेअर करत त्यांनी याची माहिती दिली.
R