Jagdish Patil
IIT मध्ये शिकून IAS बनलेले अनेक अधिकारी आहेत. त्यापैकी एक शुभम कुमार हे देखील आहेत.
बिहारमधील कटिहार जिल्ह्यातील शुभम यांनी 2020 मध्ये UPSC त टॉप केला होता. IIT तून इंजिनीअरिंग केल्यानंतर 2018 मध्ये त्यांनी पहिल्यांदा UPSC ची परीक्षा दिली.
मात्र पहिल्या प्रयत्नात ते नापास झाले. त्यानंतर 2019 मध्ये दुसऱ्या प्रयत्नात त्यांनी 290 व्या रँकने UPSC क्रॅक केली. तर तिसऱ्यांदा UPSC त टॉप केला.
मात्र, कधीकाळी UPSC त टॉप केलेल्या शुभम यांची फेक अकाउंटमुळे डोकेदुखी वाढली होती
कारण, त्यांच्या या यशामुळे तेव्हा अनेकजण सोशल मीडियावर कौतुकाचा वर्षाव करत होते. तर दुसरीकडे निकाल लागताच अनेकांनी नावाने फेक अकाउंट उघडली होती.
याची माहिती स्वत: शुभम यांनी दिली होती. ते म्हणाले, "निकाल लागल्यानंतर ट्विटर अकाऊंट सुरू केलं, त्यावर सुमारे 3500 फॉलोअर्स होते."
मात्र, "माझ्या नावाने जी बनावट खाती उघडली आहेत त्याचे यापेक्षा जास्त फॉलोअर्स होते."
मी फेसबूक, यू-ट्यूबवर नाही पण तिथेही माझ्या नावाने पेज तयार केली असून लोक केवळ प्रसिद्धीसाठी असं करत असल्याचं त्यांनी सांगितलं होतं.
धक्कादायक बाब म्हणजे काही बनावट खात्यांवरून वादग्रस्त ट्विट करण्यात आली होती. त्यामुळे शुभम कुमार चांगलीच डोकेदुखी वाढली होती.