Jagdish Patil
अमेरिकेने अचानक केलेल्या मोठ्या लष्करी कारवाईमुळे व्हेनेझुएला देशात मोठी खळबळ उडाली आहे.
या हल्ल्यानंतर व्हेनेझुएलाचे राष्ट्राध्यक्ष निकोलस मादुरो आणि त्यांच्या पत्नीला अमेरिकन सैन्यांनी ताब्यात घेतलं आहे.
मादुरो यांना ताब्यात घेण्यासाठीची मोहिम अमेरिकन लष्कराच्या टॉप मिशन युनिट डेल्टा फोर्सने राबवल्याची माहिती समोर आली आहे.
तर या निमित्ताने ही डेल्टा फोर्स नेमकी काय आहे आणि तिच्याकडे कोणकोणत्या जबाबदाऱ्या असतात ते जाणून घेऊया.
उत्तर कॅरोलिना येथील फोर्ट ब्रॅगमध्ये मुख्यालय असलेल्या या फोर्सची स्थापना 1977 साली कर्नल चार्ल्स बेकविथ यांनी ब्रिटीश एसएएसच्या धर्तीवर केली आहे.
ती जगातील गुप्त अशा लष्करी तुकड्यांपैकी एक असून ती अमेरिकन आर्मी स्पेशल ऑपरेशन्स कमांडच्या अंतर्गत काम करते.
गुप्ततेसाठी या फोर्सला कॉम्बॅट ॲप्लिकेशन्स ग्रुप (CAG), आर्मी कंपार्टमेंटेड एलिमेंट्स (ACE) किंवा 'डेल्टा' अशी नावं वापरली जातात.
या फोर्सकडे प्रामुख्याने दहशतवादविरोधी कारवाया, ओलीस ठेवलेल्यांची सुटका, दहशतवादी धोके नष्ट करणे अशी कामे सोपवली जातात.
डेल्टा फोर्सने राबवलेल्या मोहिमा गुप्त ठेवल्या जातात. मात्र, अनेक वर्षांनंतर त्यापैकी काही ठराविक कारवायांची सार्वजनिक केल्या जातात.
या फोर्सच्या प्रसिद्ध मोहिमांमध्ये 'ऑपरेशन प्राईम चान्स, 2001 मध्ये बिन लादेनचा खात्मा करण्यासाठी राबवलेली मोहिमेचाही समावेश आहे.