Jagdish Patil
अमेरिका-इस्राइल आणि इराणमधील युद्ध दिवसेंदिवस अधिक तीव्र होत आहे.
या युद्धात इराणच्या हवाई संरक्षण प्रणालीला मोठा फटका बसल्याचं अमेरिकेचे संरक्षणमंत्री पीट हेगसेथ यांनी म्हटलं आहे.
तर आता अमेरिकेचे लष्कर 500 पाउंड ते दोन हजार पाउंड वजनाचे 'ग्रॅव्हिटी बॉम्ब' या युद्धात वापरणार आहे.
तर हेगसेथ यांनी उल्लेख केलेले हे 'ग्रॅव्हिटी बॉम्ब' नेमके कसे असतात ते जाणून घेऊया.
शेकडो पाउंड सामान्य रासायनिक स्फोटके वापरलेल्या या एका बॉम्बची किंमत 25 ते 30 हजार डॉलर असते.
या बॉम्बचा वापर प्रामुख्याने थिएटर कमांडर्सच्या आदेशाने केला जातो.
'ग्रॅव्हिटी बॉम्ब'ला पूर्वी 'फ्री-फॉल बॉम्ब' म्हटलं जायचं. इंजिन नसलेले शस्त्र म्हणून त्याची ओळख आहे.
क्रूझ मिसाइलप्रमाणे त्यात अंतर्गत इंजिन नसते. विमानातून सोडल्यानंतर त्याचा मार्ग पूर्णपणे गुरुत्वाकर्षण, हवेचा प्रतिकार यावर अवलंबून असतो.
सन 2000 नंतर इराक, अफगाणिस्तान आणि सीरियामध्ये ग्रॅव्हिटी बॉम्बचा मोठ्या प्रमाणात वापर झाला.
लक्ष्याच्या जवळ जाऊनच ग्रॅव्हिटी बॉम्ब टाकावा लागतो. एखाद्या सैन्याला पूर्ण हवाई वर्चस्व मिळाल्यानंतरच या बॉम्बचा वापर शक्य आहे.
अमेरिकेने या बॉम्बमध्ये GPS प्रणाली आणि दिशा बदलू शकणारे सेन्सर बसवलेत त्यामुळे तो अचूक लक्ष्य भेदतो.