Jagdish Patil
भाजप नेत्या चित्रा वाघ यांनी माझ्या सुनेला माझ्याविरोधात भडकवल्याचा गंभीर आरोप विद्या चव्हाण यांनी केला आहे.
विद्या चव्हाण या राष्ट्रवादी काँग्रेस शरदचंद्र पवार पक्षाच्या नेत्या आहेत. त्यांनी पत्रकार परिषदेत त्यांची सून आणि चित्रा वाघ यांच्यातील संभाषणाच्या कथित ऑडिओ क्लिप ऐकवल्या.
घरगुती वादात हस्तक्षेप करत त्या वादाचा फायदा घेऊन आपल्याविरोधात षडयंत्र रचल्याचा आरोप चव्हाण यांनी केला.
आपल्याला त्रास देण्यासाठी हे सगळं वाघ आणि देवेंद्र फडणवीसांनी घडवून आणल्याचा आरोप त्यांनी केला आहे.
माझ्यावर ईडी, आयटीची धाड टाकता येत नाही. शिवाय मी बेरोजागरी, महागाईविरोधात बोलते म्हणून मला त्रास दिला जातोय. या प्रकरणी भाजपनं माफी मागावी, चव्हाणांची मागणी.
माझ्या घरगुती प्रकरणाचा राजकारणासाठी वापर केला. फडणवीसांना भेटून सांगितलं या न्यायालयीन प्रकरणात येऊ नका, पण त्यांनी हे केलंच.
गृहमंत्री देवेंद्र फडणवीस यांच्या मदतीनं चित्रा वाघ यांनी माझ्या सुनेला माझ्याविरोधात भडकवल्याचा आरोप त्यांनी केला.
'हो मी तिला मदत केली, गौरी चव्हाण यांना मी गाईड केलं. लेकरू आईकडे आहे याचा मला आनंद आहे. तुम्ही पुन्हा असे फुसके बॉम्ब सोडू नका,' असा पलटवार चित्रा वाघ यांनी केला.