Pradeep Pendhare
1 जानेवारी 2018 रोजी पंढरपूर येथे धनगर समाजाच्या लोकांच्या अधिवेशनात 'वंचित बहुजन आघाडी' हे नाव प्रथम वापरले गेले. सुमारे 100 लहानमोठे राजकीय पक्ष आणि सामाजिक संघटना अधिवेशनात सहभागी होत्या.
23 फेब्रुवारी 2019 रोजी मुंबईत ओबीसी आरक्षण परिषद झाली. आंबेडकर आणि ओवेसी यांच्या उपस्थितीत ही परिषद झाली.
जुलै 2019 मध्ये लक्ष्मण माने यांनी 'VBA' मधून वेगळे होऊन महाराष्ट्र बहुजन वंचित आघाडी या नवीन पक्षाची स्थापना केली.
'एमआयएम'सोबत 6 सप्टेंबर 2019 पर्यंत या पक्षाची युती होती. परंतु महाराष्ट्रातील 2019 च्या राज्य निवडणुकीत जागा वाटपावरून निर्माण झालेल्या मतभेदांमुळे युती तुटली.
भारत निवडणूक आयोगाने 2019 च्या महाराष्ट्र विधानसभा निवडणुकीसाठी 'VBA' उमेदवारांना 'गॅस सिलिंडर' हे निवडणूक चिन्हं दिले होते. त्यावेळी पक्षानं 234 जागा लढवल्या, पण एकही जिंकली नाही.
2019 च्या लोकसभा निवडणुकीसाठी 'VBA' उमेदवारांना 'टीकप' (कप बाशी) हे निवडणूक चिन्ह होतं. पक्षाचे नेते प्रकाश आंबेडकर 2019 च्या निवडणुकीत त्यांची जागा गमावण्यापूर्वी दोनदा खासदार राहिलेत.
2024 च्या लोकसभा निवडणुकीत 'VBA' चे 38 उमेदवार निवडणुकीच्या रिंगणात असताना ते वेगवेगळ्या चिन्हांवर निवडणूक लढले होते.
2024 ची विधानसभा निवडणूक तोंडावर असताना 'VBA' ला निवडणूक आयोगानं 'गॅस सिलिंडर' चिन्हं दिलं आहे.