Pradeep Pendhare
VB-G RAM G योजनेत आता 375 प्रकारची कामे; जाणून घ्या कोणती कामे करता येणार
पूर्वीच्या योजनेत 266 प्रकारच्या कामांना परवानगी होती. आता ही संख्या वाढून 375 झाली आहे.
जलसुरक्षा, ग्रामीण मूलभूत सुविधा, उपजीविकेशी संबंधित सुविधा, प्रतिकूल हवामान व आपत्तीपूर्व तयारी अशी फेररचना कामांमध्ये करण्यात आली आहे.
बंधारे आणि बांधबंदिस्ती, भूजल पुनर्भरण, विहीर, नदी, नाल्यांचे पुनरुज्जीवन, ठिबक व तुषार सिंचन, पावसाच्या पाण्याची साठवणूक, आईस स्तूप व कृत्रिम हिमनद्या या कामांचा समावेश करण्यात आला.
सौर पथदिवे, कचरा प्रक्रिया व फेरवापर, सांडपाणी प्रक्रिया, वाचनालये, आरोग्य केंद्रे आणि पाणीपुरवठा सुविधांना कामाद्वारे प्रोत्साहनाचे नियोजन आहे.
रोजगाराबरोबर उत्पन्नावर भर देताना कृषी प्रक्रिया व मूल्यवर्धन, प्रतवारी आणि पॅकेजिंग, शीतगृहे, मिनी पिठाच्या गिरण्या, दुग्ध व्यवसाय सुविधा, मशरूम व रेशीम उत्पादन आणि पॉलिहाउस कामांना प्राधान्य दिले आहे.
कृषी प्रक्रिया, पॅकेजिंग, शीतगृह आणि सिंचन सुविधांमुळे उत्पादनापासून बाजारपेठेपर्यंतच्या पायाभूत सुविधांना चालना देताना शेतकऱ्यांना फायदा होणार आहे.
पहिल्यांदाच आपत्तीपूर्व तयारीवर भर देताना, यात 38 प्रकारची कामे आहेत. पूरग्रस्त भागातील निवारा केंद्रे, संरक्षण भिंती, बंधाऱ्यांची मजबुती आणि पूर प्रतिबंधक कामांचा समावेश.
आपत्तीनंतर नुकसान झालेल्या ग्रामीण भागातील रस्ते आणि सामुदायिक मालमत्तेची पुनर्बांधणींच्या कामांचा समावेश असणार आहे.
जलसुरक्षा, रोजगार, शेती, आरोग्य, पायाभूत सुविधा आणि आपत्ती व्यवस्थापनाला चालना देण्याचा केंद्राचा प्रयत्न असणार आहे.