Jagdish Patil
व्हेनेझुएलामध्ये बुधवारी रात्री झालेल्या दोन भूकंपांमुळे एकच खळबळ उडाली आहे.
रिक्टर स्केलवर 7.2 आणि 7.5 तीव्रतेच्या एकापाठोपाठ झालेल्या दोन भूकंपांमुळे राजधानी कराकससह अनेक शहरे हादरली.
भूकंपांमुळे रस्ते मधोमध दुभंगलेत तर अनेक भल्यामोठ्या इमारती पत्त्यासारख्या कोसळल्या आहेत.
युएस जिओलॉजिकल सर्व्हेनुसार, पहिला भूकंप रात्री 10 वाजता तर अवघ्या 39 सेकंदांनंतर दुसरा आणि अधिक शक्तिशाली भूकंपाचा धक्का बसला.
भूकंपानंतरचे अनेक धक्कादायक व्हिडिओ आणि फोटो सोशल मीडियावर व्हायरल होत आहेत.
यामध्ये व्हिडिओ विमानतळावरील प्रवासी जीव वाचवण्यासाठी धावपळ करताना दिसत आहेत.
काही इमारती कोसळताना दिसतायत, तर काही ठिकाणी रस्त्यांना मोठमोठे तडे गेल्याने वाहतूक ठप्प झाली आहे.
धक्कादायक बाब म्हणजे USGS च्या अंदाजानुसार या भुकंपातील मृतांचा आकडा १० हजारांहून अधिक असण्याची भीती वर्तवण्यात आली आहे.
सध्या कराकस आणि इतर प्रभावित भागांत अग्निशामक दल आणि आपत्कालीन पथके तैनात करण्यात आली आहेत.