Sunil Balasaheb Dhumal
पुरंदरचे माजी आमदार, माजी मंत्री विजय शिवतारे हे मुख्यमंत्री एकनाथ शिंदेंचे विश्वासू मानले जातात.
2019 च्या विधानसभेत उपमुख्यमंत्री अजित पवारांनी शिवतारेंना ठरवून पाडले. त्यावेळीपासून शिवतारे-अजित पवारांतून विस्तवही जात नाही.
आता लोकसभेच्या माध्यमातून शिवतारे अजित पवारांचा बदला घेण्याच्या तयारीत आहेत.
लोकसभेत बारामतीतून अपक्ष म्हणून उभे राहण्याच्या भूमिकेमुळे महायुतीतील अजित पवार गटाने थेट मुख्यमंत्री शिंदेंनाच ठाण्यातून आव्हान देण्याची भाषा केली.
या पार्श्वभूमीवर भेटीसाठी आलेल्या विजय शिवतारेंना मुख्यमंत्री शिंदेंनी तब्बल सहा तास थांबवून ठेवले. मात्र, त्यानंतर झालेल्या चर्चेत त्यांनी आपली बाजू मांडली.
शिवतारेंचे म्हणणे ऐकून घेतल्यानंतर दोन दिवसांत पुन्हा चर्चा करण्याचे मुख्यमंत्री शिंदेंनी आश्वासन दिले आहे.
शिंदेंच्या सूचनेनुसार शिवतारे दोन दिवस शांत राहणार असले तरी लोकसभा निवडणूक लढवून ते अजित पवारांचा बदला घेणार का, याकडे लक्ष आहे.
R