Jagdish Patil
हिमाचल प्रदेशातील ज्येष्ठ नेते मेजर विजय सिंह मनकोटिया यांचे वयाच्या 87 व्या वर्षी निधन झाले.
ते शाहपूर विधानसभा मतदारसंघातून 5 वेळा आमदार म्हणून निवडून आले होते. शिवाय ते 2 वेळा मंत्री राहिले होते.
मनकोटिया यांचा जन्म 23 नोव्हेंबर 1938 रोजी झाला. ते दीर्घकाळ माजी सैनिक लीगचे अध्यक्ष होते.
लष्करातून निवृत्ती घेतल्यानंतर 1982 मध्ये अपक्ष उमेदवार म्हणून शाहपूर विधानसभा मतदारसंघातून निवडणूक लढवली आणि ते विजय झाले.
हिमाचल प्रदेशचे 6 वेळा मुख्यमंत्री राहिलेले वीरभद्र सिंह यांच्यांशी त्यांचा राजकीय संघर्ष होता.
मनकोटिया यांनी वीरभद्र सिंह यांच्यावर भ्रष्टाचाराचे आरोप केले होते. याच काळात कथित CD प्रकरण बरेच चर्चेत आले होते.
मनकोटिया यांनी काँग्रेससोबतच जनता दल आणि अपक्ष उमेदवार म्हणूनही निवडणूक लढवली. 1985 मध्ये त्यांनी काँग्रेसमध्ये प्रवेश केला.
2007 ची विधानसभा त्यांनी 'बसपा'च्या तिकिटावर लढवली; मात्र त्यांचा पराभवाचा झाला. त्यानंतर त्यांनी पुन्हा काँग्रेसमध्ये प्रवेश केला.
2012 ला ते काँग्रेसच्या तिकिटावर लढले पण पराभूत झाले. 2017 च्या निवडणुकीत काँग्रेसने तिकीट न दिल्याने त्यांनी अपक्ष लढवण्याचा निर्णय घेतला.
त्यावेळी ते 'आप'मध्ये प्रवेश करणार, अशा राजकीय चर्चा सुरू होत्या. मात्र, अखेरीस त्यांनी भाजपमध्ये प्रवेश केला.