Mayur Ratnaparkhe
डोंबिवली पश्चिम येथील गरीबाचापाडा प्रभागाचे भाजपचे माजी नगरसेवक विकास गजानन म्हात्रे आणि त्यांच्या पत्नी कविता म्हात्रे (माजी नगरसेविका) यांनी पक्षाचा राजीनामा दिला आहे.
विकास म्हात्रे यांनी भाजप कल्याण जिल्ह्याचे जिल्हाध्यक्ष नंदू परब यांच्याकडे भाजप पदाधिकारी आणि पक्ष सदस्यत्वाचा राजीनामा सुपूर्द केला.
भाजपचे प्रदेश कार्याध्यक्ष रविंद्र चव्हाण यांच्यावर आरोप करत विकास म्हात्रेंनी भाजपला सोडचिठ्ठी देण्याचा निर्णय घेतला आहे.
आगामी पालिका निवडणुकीच्या तोंडावर विकास म्हात्रे आणि त्यांच्या पत्नी कविता म्हात्रे यांनी राजीनामा दिल्याने भाजपसाठी हा धक्का मानला जात आहे.
विकास म्हात्रे तीन वेळा नगरसेवक म्हणून निवडून आलेले आहेत.
विकास म्हात्रे हे महापालिकेत भाजपचे माजी स्थायी समिती सभापती देखील होते.
याशिवाय विकास म्हात्रे यांनी महापालिकेतील पक्षाचे गटनेते पदही सांभाळलेलं आहे.
आता ज्या पक्षात मला मान-सन्मान मिळेल, त्या पक्षात मी जाणार असल्याचे विकास म्हात्रेंनी सांगितले आहे.
तर विकास म्हात्रे हे शिवसेना उद्धव बाळासाहेब ठाकरे पक्षात जाण्याची शक्यता वर्तवली गेली आहे.
प्रभागातील विकास कामांसाठी निधी मिळत नाही, आमदार चव्हाण मदत करत नसल्याचे म्हात्रे यांचे म्हणणे आहे.