Mayur Ratnaparkhe
मराठा समन्वयक विनोद पाटील यांनी मुख्यमंत्री एकनाथ शिंदे यांची भेट घेतल्याने राजकीय वर्तुळात विविध चर्चांना उधाण आलं आहे.
विनोद पाटील छत्रपती संभाजीनगर लोकसभा मतदारसंघातून लढण्यास इच्छुक आहेत.
विनोद पाटील यांना वाढदिवसाच्या शुभेच्छा देण्यासाठी मुख्यमंत्री त्यांच्या निवासस्थानी जाणार असल्याची चर्चा होती.
परंतु बुलडाण्याहून परतण्यास मुख्यमंत्री शिंदे यांना उशीर झाल्याामुळे विनोद पाटील हे स्वतः चिकलठाणा विमानतळावर जाऊन त्यांना भेटले.
पुष्पगुच्छ देऊन मुख्यमंत्र्यांचे त्यांनी स्वागत केले. घाईत दौरा झाल्यामुळे मुख्यमंत्र्यांचे जेवण राहिले होते, त्यांच्यासाठी विनोद पाटील यांच्या घरून खास डबा मागवला होता.
मी छत्रपती संभाजीनगर मतदारसंघातून निवडणूक लढवण्यासाठी इच्छुक असल्याचे विनोद पाटील यांनी मुख्यमंत्री शिंदे यांना सांगितले आहे.
विनोद पाटील हे राष्ट्रवादी काँग्रेसचे दिवंगत नेते आर. आर. आबा यांचे कट्टर समर्थक होते.
विनोद पाटील यांनी संभाजीनगर मध्य मधून विधानसभा निवडणूक लढवलेली आहे, परंतु त्यांचा पराभव झाला होता.
मात्र आता मला विश्वास आहे इलेक्टीव मेरिटवर एकनाथ शिंदे मला उमेदवारी देतील, अशी प्रतिक्रिया विनोद पाटील यांनी दिली आहे.