सरकारनामा ब्यूरो
ड्रायव्हरच्या मुलाने 20 परीक्षांमध्ये अपयश स्वीकारले, पण स्वप्न सोडले नाही. अखेर दोनदा UPSC पास करून अधिकारी झालेले विवेक यादव कोण आहेत? तसेच त्यांचा प्रेरणादायी प्रवास जाणून घेऊया.
मध्य प्रदेशातील चंदेरीचे रहिवासी विवेक नवलसिंह यादव. त्यांचे वडील नगरपालिकेच्या गाडीवर ड्रायव्हर, तर आई घरातून शिवणकाम करून कुटुंबाला आधार देते.
विवेक यादव यांनी चंदेरीतील शाळेनंतर दिल्ली विद्यापीठातील हिंदू कॉलेजमधून इतिहास विषयात ग्रॅज्युएट आहेत, तसेच IGNOU मधून इतिहासात पोस्ट ग्रॅज्युएट केले आहे.
सरकारी नोकरीसाठी तयारी करताना MPPSC, UPPSC, CAPF, BPSC अशा अनेक परीक्षांमध्ये एकूण 20 वेळा अपयश स्वीकारल्यानंतर अखेर त्यांनी आपल्या स्वप्नाला गवसणी घातली आहे.
प्रत्येक अपयशातून शिकत विवेक यांनी पुन्हा, पुन्हा स्वत: मधील कमतरता सुधारत अधिक मेहनत घेत स्वप्नासाठी सातत्याने प्रयत्न केले.
UPSC CSE 2024 मध्ये 413 वी रँक मिळवली. त्यानंतर रेल्वे विभागात असिस्टंट कमिशनर पदासाठी निवड झाली. रेल्वेत नोकरी मिळूनही विवेक यांंचे लक्ष्य IPS होते. त्यामुळे त्यांनी पुन्हा UPSC देण्याचा निर्णय घेतला.
अखेर दुसऱ्या प्रयत्नात विवेक यांनी UPSC CSE 2025 मध्ये AIR 487 मिळवत IPS अधिकारी होण्याच्या स्वप्नाला गवसणी घातली.
विशेष म्हणजे हिंदी माध्यमातून UPSCची तयारी केली ही अनेक तरूणांसाठी प्रेरणा आहे. प्रीलिम्स, मेंस आणि मुलाखत या तीनही टप्प्यांमध्ये यश मिळवले. अपयश आले तरी मेहनत आणि चिकाटी असेल तर यश नक्की मिळते. हेच विवेक यांच्या प्रेरणादाई प्रवासतून लक्षात येते.