Jagdish Patil
पश्चिम बंगालमधील मतदानाचा दुसरा टप्पा उद्या, 29 एप्रिल रोजी पार पडणार आहे.
या पार्श्वभूमीवर UP पोलिसांमधील 'सिंघम'आणि ‘एन्काऊंटर स्पेशालिस्ट’ अशी ओळख असलेल्या अजय पाल शर्मांची बंगालमध्ये नियुक्ती करण्यात आली आहे.
शर्मा यांची दक्षिण 24 परगणा जिल्ह्यात नियुक्ती केल्याने नव्या वादाला तोंड फुटले आहे.
कारण हा जिल्हा मुख्यमंत्री ममता बॅनर्जी यांचे पुतणे अभिषेक बॅनर्जी यांचा बालेकिल्ला मानला जातो.
नियुक्तीनंतर, शर्मांचा एक व्हिडिओ व्हायरल होतोय ज्यामध्ये ते TMC चे उमेदवार जहांगीर खान यांच्या समर्थकांना इशारा देतायत.
अखिलेश यादव यांनी शर्मा यांना ‘भाजपचे एजंट’ असे म्हणत, बंगालमध्ये ‘दीदी’ कायम राहतील, असे वक्तव्य केले आहे.
शर्मा यांच्या कारकिर्दीची गणना उत्तर प्रदेश पोलिसांतील कडक कारवाई करणाऱ्या अधिकाऱ्यांमध्ये केली जाते.
शर्मा 2011 च्या तुकडीतील IPS अधिकारी असून, नोएडा आणि जौनपूर जिल्ह्यांमध्ये गुन्हेगारांविरुद्ध राबवलेल्या त्यांच्या एन्काऊंटर मोहिमा चर्चेत राहिल्या होत्या.
आता त्यांच्या नियुक्तीवर प्रश्न उपस्थित करत टीएमसीने निवडणूक आयोगाच्या हेतूंविषयी शंका व्यक्त केली आहे.
आयोगाला एवढा धोका जाणवतो आहे का की त्यांना एका “एन्काऊंटर स्पेशालिस्ट”ची गरज भासली? असा सवाल टीएमसी नेत्यांकडून केला जात आहे.