Jagdish Patil
बंगालमध्ये ममता बॅनर्जींच्या तृणमूल काँग्रेसचा दारुण पराभव झाल्यानंतर पक्षातील अंतर्गत असंतोष समोर येत आहे.
पराभवानंतर सर्वप्रथम खासदार काकोली घोष यांनी जाहीरपणे आपली नाराजी व्यक्त केली आहे.
नुकतंच घोष यांनी मुख्यमंत्री सुवेंदू अधिकारी यांच्या बैठकीला हजेरी लावत सर्वांना धक्का दिला.
घोष यांच्यासह टीएमसीचे 6 आमदार या बैठकीला उपस्थित राहिल्याने ममतांचा पक्ष फूटणार अशी चर्चा सुरू झालेय.
याच पार्श्वभूमीवर ममतांना पहिला धक्का देणाऱ्या कोकीला घोष कोण आहेत ते जाणून घेऊया.
घोष बंगालच्या राजकारणातील एक प्रमुख चेहरा असून त्या बारासात मतदारसंघाचे प्रतिनिधित्व करतात.
टीएमसीत विविध जबाबदाऱ्या सांभाळणाऱ्या घोष यांनी नुकताच आपल्या जिल्हाध्यक्षपदाचा राजीनामा दिला.
ममतादीदींनी पक्षाच्या 'मुख्य प्रतोद' पदावरून हटवल्यामुळे त्या नाराज असल्याचं बोललं जात आहे.
टीएमसीच्या महिला आघाडीच्या राष्ट्रीय अध्यक्षा असलेल्या घोष यांनी आर.जी. कर मेडिकल कॉलेजमधून वैद्यकीय पदवी घेतली आहे.
त्यांचा विवाह डॉ. सुदर्शन घोष यांच्याशी झाला असून सुदर्शन यांनी बंगालमध्ये मंत्री म्हणूनही काम केलं आहे.